RSM Georgia
ენები

ენები

გაიცანით ალეკო სირბილაშვილი

ალეკო სირბილაშვილი გამოცდილი და მაღალკვალიფიციური სპეციალისტია სამართლის სფეროში. მას ამ სფეროში მუშაობის 20 წლიანი გამოცდილება აქვს. არესემ საქართველოში მუშაობის დაწყებამდე იგი წლების განმავლობაში მუშაობდა სხვადასხვა წამყვან კომპანიებში (შპს „ასტრა დიღომი“, ს/ს „ვისოლ პეტროლიუმ ჯორჯია“ და სხვა) იურიდიული მიმართულების ხელმძღვანელად, ასევე უწევდა სხვადასხვა კომპანიებს იურიდიულ მომსახურებას გარე იურისტის სტატუსით და პარალელურად დაკავებული იყო საადვოკატო საქმიანობით. მისი საქმიანობის ძირითადი სფეროებია: სამოქალაქო და ადმინისტრაციული სამართალი, საგადასახადო, სამეწარმეო და კონკურენციის კანონმდებლობა. მას ასევე დიდი გამოცდილება აქვს საერთაშორისო საფინანსო ინსტიტუტებთან (მაგ: EBRD, OPIC, Amsterdam Trade Bank, BNP PARIBAS) ურთიერთობისა და სხვადასხვა საერთაშორისო ბრენდებთან (WENDY’S, DUNKIN’ DONUTS) სალიცენზიო ურთიერთობისა. 2015-2017 წლებში მიღებული აქვს მონაწილეობა საქართველოს კონკურენციის სააგენტოს წინააღმდეგ გამართულ ადმინისტრაციულ დავაში, რომელიც ეხებოდა ნავთობპროდუქტების სექტორში მომუშავე კომპანიების დაჯარიმებას და რომელიც დასრულდა კომპანიების სასარგებლო გადაწყვეტილების გამოტანით. ალეკო  არესემ საქართველოს გუნდს შეუერთდა 2018 წლიდან და ამ პერიოდიდან ის ხელმძღვანელობს კომპანიის იურიდიულ დეპარტამენტს.

მონაწილეობა აქვს მიღებული სხვადასხვა თემატურ სემინარებში და ტრეინინგებში.

წევრობა ასოციაციაში:

არის საქართველოს ადვოკატთა ასოციაციის წევრი - ადვოკატი სამოქალაქო და ადმინისტრაციული სპეციალიზაციით. 

გარდა ძირითადი სპეციალობისა - სამართალმცოდნეობისა, 1994 წელს დამთავრებული აქვს ივ. ჯავახიშვილის სახელობის თბილისის სახელმწიფო უნივერსიტეტის ჰუმანიტარულ პროფესიატა ფაკულტეტის უცხოური ენების განყოფილება გერმანული ენების სპეციალობით, ხოლო 1998 წელს დამთავრებული აქვს საქართველოს ტექნიკური უნივერსიტეტის მენეჯმენტის უმაღლესი სკოლა სპეციალობით - მენეჯმენტი.

ქართულის გარდა ფლობს რუსულ, გერმანულ და ინგლისურ ენებს